Kishat Shqiptare-Albanian Churches është një projekt vullnetar me qëllimin e mbledhjes të materialeve historike, pamore, artistike, arkitektonike etj, të gjithë kishave shqiptare.
Gjatë regjimit ateist në Shqipëri para viteve 1990 janë prishur me qindra kisha dhe manastire të besimit të krishterë ortodoks dhe katolik, duke humbur shume vlera kulturore, historike, fetare etj. Gjë që solli nevojën që të krijohet kjo faqe interneti kryesisht me baza vullnetare, për të promovuar këto vlera për të gjithë shqiptarët dhe të tjerë.
Ky projekt ka qënë ideuar prej meje para disa vitesh, por duke mos patur kohën për tu angazhuar për të humultuar, kërkuar, dhe renditur materialet e shumta për kishat shqiptare, u vonua së tepërmi, duke menduar se të tjerë; institucione fetare, kulturore, besimtarë apo studiues do ishin marrë me ketë nismë.
Fakti që shumë kisha nga dita në ditë po rrënohen dhe për pak vite do kemi shumë pak gjurmë të tyre, dhe kjo nismë nuk u morr nga askush, po hedhim hapin e parë që të dokumentojmë për kishat tona çdo material që gjejmë për to, këtë hap po e filloj unë me shpresën që të tjerë do e ndjekin.
Faqja funksionon me publikime për çdo kishë, ku për çdo rreth (sipas ndarjes së fundit territoriale) është ndarë në kategori me kishat e tyre, gjithashtu çdo kishë do ti specifikohet edhe vendndodhja se ku ato janë me google map.
Urojmë që në të ardhmen për këtë projekt, të ketë kontribues vullnetarë.
Erlet Shaqe (31-10-2021)